Vastelaovendj same…!!!

Wo kan men neet nog baeter beginne mét de vastelaovend den in Venlo, stedje van lol en plezeer.
Dinkendje aanne Vastenaovondj dink ich aan ein typisch liedje: “Vastelaovend…..!!” ’t hanjeltj äöver drie daag oppe kist hauwe en….äöver Venloos roem. Jao….Venlo haet zien spaore dubbel en diek verdeentj waat vastelaovendj aangeit. Waat te dinke van de vastelaovesvereinigng Jocus die dit jaor al 16 x 11 jaor besjtuit…

20190228_103615.jpg

In 1936 waerdje Venlo al door Fons van Grunsven bezonge es “stedje van lol en plezeer”. Es sjtudent haaj d’r heimwee nao zien stedje want…dao is ’t immers te doon. En neet allein hae haet heimwee nao zeen stedje want kiek ins nao de televisie of loester nao de radio: de film en ’t leedje “nao ’t Zuuje” geit auch äöver teruukkomme nao det stedje van lol en plezeer det mét dees dolle drie daag ’t centrum van de vastelaoveswaereld is….!! InVenlo is ’t pas echt te doon en ich dörf helop te bewaere: Hie kan écht gein anger Limburgse sjtad taegenop..!! Uule, Marotte, Winkbulle of Tempelieër..?? De Jocus-haan krejt dees daag boave alles oet victorie !!!!

Zelfs die fritetent sjtuit aan de sjtart

van de vastelaovendj klaor om de ambteniëre mét eine gooie baom op waeg te sjtuure. Venlo, de sjtad van miene werkgaever, mien trots en dus kloptj mien sjaopskoppehert auch väör Venlo en de Venlonaer. Venlo, det stedje vam de aller, aller sjoeanste vastelaovesleedjes. Loester ins op L1 nao de top ellefhongerd-en- ellef vanne vastelaovesmeziek. Venlose leedjes komme väörbiej die ederein geliek inne sjtumming zal bringe. Meziek vanne einvoud, neet te moeilik doon. En det is juust wie Venlo is: neet näöle mer doon..!! De kommendje dag zal in Venlo waere gefieëstj en getampiëstj; van äöpening inne zoekpkoel toet aan de boerebroelof !! En…d’r zal gezonge waere woabiej al die Venlose leedjes väöl kiëre väörbiej zulle komme. Dink mer ins aan: “Stiena doot de däör aop”, “och An”, “es de sjterre”, “elf van elf”, “wie de Huzare” en……………………. waer of gein waer: zeker zal oet volle borst métgezonge waere bie leedjes es:

 “lekker zunke, lekker windje, lekker waerke” en…. “det duit ‘m ’t veurjaor, det liktj aan ’t lentewaer”

“vastelaovendj same…………………..!!!!!”

Nog neet äövertuugdj…??  Den vlot nao ’t Zuuje of……. sjnel nao det sjtedje van lol en plezeer..!!!

 

 

Advertenties
Dit bericht werd geplaatst in Persoonlijk. Bookmark de permalink .

Een reactie op Vastelaovendj same…!!!

  1. Louis Vermeulen zegt:

    Jan en Bea eine zalige vastelaovundj en gooj baetersjap veur die broor!
    Lewie en Annemie

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Google photo

Je reageert onder je Google account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

Verbinden met %s