dae sjrieftj…dae blieftj…!!!!

Missjiens wétj gae ’t neet mieër mer….op de éllefde februari twieëdoezendjenvieftiën

nummerke éllef

op nummerke éllef waontj de gek zellef..!

sjreef ich ’t lést – hieëlemaol in ’t plat –  nog ins get äöver de Vastelaovendj. Jao..hieëlemaol in ’t ABH, van Hunsel en Haler toet Heitse, Haele en Häör !! Vastelaovend, ein waord det mét ein hoofdletter gesjreve wurdtj want….Vastelaovendj beteikendj neet allein Vakantie mer auch Vrolijkheid, fieëstViere en….. ’t hoes en dichzellef Versiere. In 2015 gaaf ik ’t sjtökske oppe site de toepasselikke naam “Élf, de gek zelf….!!! Alaaf !!!” mét.  Noe zultj gae dinke….’t Is nog lang neet zowiet en tóch sjrieftj d’r noe alweer get äöver die daag van lol en plezeer. Inderdaad….en dao is ein reje väör …!!!

Vasteläövendj, ich höb d’r werm herinneringe aan. Allein al es ich dink aan die aoj vastelaovessjtampers die oet de meziekboxe klonken. Liedjes es: “Joetse jatste gekke

miene jongste broor, Prins in 1983

fratse” , “In Wieërt, dao waontj ein aardig menke” , “es de sjterre” of gewuën leedjes van Häör wie “de sjnor van ’t Brook”. Mer auch kos ich geneete van die bóntje aovendje waaobiej mien broor (de jongste broor van mich) zich – en det terwiel d’r zelleff nog mer ein menke waas – oetgaaf es “aod menke”  of det der de zaal, wo ’t hert vanne Vastelaovendj klopdje, oet ziene bol zoog gaon met ’t liedje “Bella Marie”. En den zwieg ich nog äöver toen mien sjaon sjaonzusje boerin waas en – alwéér de jongste broor –

IMG_1671.JPG

Agnes es boerin samen mét boer Aloys

vastelaovesprins waerdje en…. het zellefs toet vorst wist te sjöppe. Herte en sjöppe die die twieë noe zeker zulle oetsjpele es ze deilnumme aan de vastelaovesbridgedrive van häör bridgeclub “noewts onger-oet” (oftewaal never down). En of de Vastelaovendj in ’t blood zitj..?? Ich dink ’t waal. Auch naef Huub haet oewts de scepter gezwejd in ’t kwakkerteriek in Lin en naefke Lars woor ’t väörig jaor zellefs nog de baas van het Rogstaekersriek….!!Afbeeldingsresultaat voor lars lambers

 

 

Vastelaovendj duit mich truukdinke aan Lei Meissen dae es geine angere ’t Vastelaovesleedklatergoud kos vertale wobiej d’r stedje van lol en plezeer “ein” leet waere met dit sjoeane fieëst. En “oeteraard-ter-zaak-zitj-de-kwestie-zoea” det ich in dae tied auch hieëlemaol los kos gaon. Eine sjoeane tied wo ’t väöle klatergoud nog ein gooj herinnering aan is. Zellefs de sjmurfemedalie van toen miene zoon Bas op de laegere schoeal Prins woor is ein leuke herinnering. Hoe zunig ich d’r toen op waas, ’t duit mich good det mien kinjer zich noe “die vaere”  omhange want zie zétte de Vastelaovestraditie door.

Väör mich blieve äöveriges neet allein die sjoean herinneringe van toen….nog sjteeds maag ich ein klein bietje doon väör de Vastelaovendj. Ich krieg al sinds jaor en daag de eer img_9383in miene sjoeat geworpe  det ich ein van de ieërste  bön dae wétj waem oh waem ’t geit waere….. en den bedoel ich waem de scepter geit zwaeje äöver det Sjaopkopperiek in Häör, anges gezag: waem de prins wurdtj..!! Dit jaor is ’t de  de 33e kieër is det ich de Proklamasie höb moge sjrieve en ich kan uch verzekere: det is neet altied lache mer…soms auch flink vloke es de pen get gedaon haet waat de sjriever noe net neet wól en oere en oere en oere werk de prullebak in kan…

Dees week waerdje det werk achter de sjerme ineens “waereldnuuts”in det groeate p1000389Sjaopskopperiek. Boon, de Trump vanne Sjaopsköp, is hieëlemaol van ziene troon aafgekraope om det interview mét mich te doon. Es Vorst veuldje d’r zich dees daag – jao minse, waat waas ’t kaod !! – de käöning te riek. Ein écht 3 kieër ellef interview haet d’r mich aafgenomme en…det sjtuut  integraal inne Sjaopskoppegezet aafgedröktj. Waat d’r gesjreve haet (hae kan lege det ’t gedröktj sjteit !!) …..auch väör mich waas ’t ein complete verrassing en ich kan zégge…hae haet mich aevewaal verraschtj.

en..wie de titel van dit sjtökske al duit vermoede……’t volgendj jaor doon ich wéér mét en gaon ich väör 3 x 11 en 1…!!!

Oh jao…auch bie mich hingtj de baezem oet: eine takkeboesbaezem mét bóntje serpentines es ‘t symbool väör ein praoper hoes – wobiej ich auch emes de vaere mot toesjteke !! – wo ’t good is. ’t Fieëst kan beginne…..!!! “Vastelaovendj same…..!!!!!!”

Advertenties
Dit bericht werd geplaatst in Humor, Nieuws, Persoonlijk, Verhalen. Bookmark de permalink .

Een reactie op dae sjrieftj…dae blieftj…!!!!

  1. Mia Graef zegt:

    Ich laes ’t mit groeat plezeer. “t Zitj uch allebei in het blood: de Vastelaovendj en auch het SJRIEVE én het vertélle. Alaaf, die van ’t Énj!

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s