Élf, de gek zelf….!!! Alaaf !!!

Vastelaovendj, fieëst van lol en plezeer. Get schrieve äöver dit fieëst….det kan ’t béste gedaon waere op de éllefdje vanne maondj…noe dus ! Drie daag (väör sommige vief, zes, zeve daag) aan ein sjtök gaon alle remme los en kénne d’r weer volop gekke laege en sjaele kal waere gemaaktj. Bénne, boete, in Kölle, thoes, äöveral is ’t te doon: de sjoeälefestatie, ’t

Sjaopswei in Häör

Sjaopswei in Häör

pleinfestein, de sjtasiemanifestasie, de boete gewoeane boetezitting….väör doezendje minse kloptj hiej ’t hert vanne vastelaovendj.   Fieëste en tampieëstje…’t huërdtj d’r gewuënweg biej.  De aafgelaope waeke woor ’t auch al behueërlik raak:  boerebroelofte, bontje aovendje, gekke maondigge, prinserecepties, vastelaoveskonzérs en den höb ich ’t nog neet äöver al die

de baezem hingtj

de baezem hingtj

vastelaovesaanbeejinge in de winkels, de vastelaovesgezétte, de pekskes, al die versieringe aanne hoeze (vlagge, baezeme, poosters, schlingers etc.) en natuurlik al det verdeendje klatergoud.

klatergoud

klatergoud

Auch ich höb mien klatergoud ins opgehaoldj vanne zolder en ich weit zeker…. de kinjer zulle d’r dees daag mét rondjlaupe. Klatergoud: waat woor ich vreuger gruëts om zo’n medalie vanne Prins ómgehange te kriege. mer ieërlik is ieërlik (ich waer aod !!): det is schnieë van gister,  ’t duit mich nieks mieër.

Det ich nieks mét de vastelaovendj höb is get väöl gezag:  ich waon op nummerke éllef !!, het gekkegetal, hét getal vanne

nummerke éllef

nummerke éllef

vastelaovendj. Drejt mét dees daag auch neet de top 11 hongerd en ellef op L1 of baeter gezag, L11 ?? Jao..de sjterre straele….van Eisde toet de Mookerhei en…auch de sjnor van ’t Brook wurdtj mét dees daag nog volop bezónge.

Éllef…eder dörp of sjtad haet waal eine raod van Éllef. Neet elke raod hooft duur te zeen mer väör deze raod zal het neet

éllef sjpreuke !

éllef sjpreuke !

väör nieks zeen en…het zal auch neet väör nieks gaon !! Éllef…dao drejt ’t bie hun gans om. Ein proklamasie mét ellef sjpreuke, ze beginne altied om éllef op ’t oer en de sjtart vanne vastelaovendj….de ellefdje vanne ellefdje maondj, ’t leefst om 11 op 11 ’s mörges !  En es die men get zégge: ’t begintj en sjeitj oet mét “alaaf”  en auch det is ein verbastering van : “éllef” . Auch al wurdtj waal ins gezag dat dit waord te make haet mét Al aaf…..   Éllef !! ’t Geta liktj tösse tieën (’t volmaakdje getal) en twellef (’t heilige getal) en omdet ’t auch nog ins twieë kieër ein is (het symbool van de eindracht) woor ’t inderdaad mer  ein gek getal.

En waat te dinke van al die verkleidje minse…sommige neet te kénne en angere valle gansRoel Versleijen oet häör rol. Zelfs miene baas (hienaeve keurig oppe foto) leutj zich dees daag van ziene béste kantj zeen. Mét väöl schow kaltj d’r get waat kromp is nog recht en meuktj d’r ein valse taon nog zuuver en al die gekke…die gluive ‘m auch nog !! Of Miranda en de “buuf”, äöveral wo get te doon is…ze zeen d’r.

Miranda Geraedts

Vanne  äöpening in Mestreech…toet de sjloeting in Häör. En ich denne zultj gae dinke…?? Jaozeker…mien pekske hingtj auch al gewasse en gesjtreke oppe sjtoel…ich bön d’r gans klaor väör !

't pekske hingtj al klaor !

’t pekske hingtj al klaor

Ich gaon voloet mét in die gekdje. Miene kilomaetertéller wiesj al mieër es 1111 aan en om ’t nog gekker te make: ich kan d’r nog ins zeker 111 bie télle… En om ’t nóg gekker te make: biej det totaal kan ik nóg ins 11 kieër 11 optelle !! Jao, gekker es good gek guftj ’t auch en…det mot zeker kénne mét dees daag !

En alle gekheid auch nog ins op ein sjtekske…. missjiens kumtj d’r de hieël kommendje waek gein sjtökske van mich…. Of dit ein gekke laege of sjaele wazel is….. ??? Dae ’t wétj, moog ’t zégge…! IMG_2899

Zoea…..’t is éllef áöver ’t oer, ich höb mien pekske al aan en kan gaon tampieëste en bieëste want: dit verhäölke is AL AAF !!!! ALAAF !!!!!!!!!!!!!

Uule, Haane, Duvels, Wortelepinners, Biemösje, Geitebök, Jokers, Vreigelieërs, Sjaopsköp en anger “vastelaovesgekke”, Vastelaovendj same !!

Dit bericht werd geplaatst in Verhalen. Bookmark de permalink .

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Google photo

Je reageert onder je Google account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

Verbinden met %s